• 2014年03月22日

    ءتۇن - [پوەزيا]

    ەركىنبەك وكەن ۇلى

    ءتۇن

    سوڭعى الاۋعا بويالسا ىمىرت باتىپ،

    اي تۋادى جالقى كۇن قىردان اسىپ.

    قوندىرىپ سوڭعى نۇكتە جانارىما،

    ءتۇن قاراڭعى كەلەدى باياۋ باسىپ.

     

    العانداي- اق جوعالتىپ بار اسىلىن،

    جاراسىن جازا الماعان قاناتىنىڭ.

    كوبەلەكتەي جىندانعان شىراينالام،

    قاباتىندا قامالىپ قارا ءتۇننىڭ.

     

    تىپ- تىنىش ءتۇن، ماڭعاز تاۋ جۋاسىعان،

    سىرعىپ شىعىپ اي ارۋ ۇياسىنان.

    شارتاراپقا شاشىلىپ جالعىز ساۋلە،

    ۇشىردى بۇلت كوڭىلدىڭ قياسىنان.

     

    ەركە سامال ەركەلەپ ءتىل قاتادى،

    سۇلۋلىققا سۇڭگىتىپ جۇباتادى،

    سانسىز ارمان سانامدا ساپىرىلىپ،

    جٷرەگىمدى ساعىنىش سىزداتادى.

     

    عايىپ بوپ سوناۋ ماڭعا جاسىرىندى اي،

    ماڭگى ولمەيتىن ماحاببات اسىلىنداي.

    ساعىنشتى مەن ءجۇرمىن كۇزەت قىلىپ،

    تۇنگى ءومىردىڭ سىرعالى عاشىعىنداي.

     

  • 2014年03月22日

    مارالىم- اي - [پوەزيا]

    ەركىنبەك وكەن ۇلى

     

    ءتاتتى مۇڭعا ۇلاسىپ ءتاتتى ارمانىم،

    قىسىپ مەنى تولعاعى اشتى ويلاردىڭ.

    سەنى ىزدەپ سەرگەلدەڭ بوپ سەزىم كەشىپ،

    ساعىنشتى سارعايعان جاستانعامىن.

     

    تال شىبىقتاي سامال جەلمەن ىرعالىپ،

    تاۋ جولىمەن بار جاتساڭ سۋ الىپ.

    قيال ءمىنىپ اۋىلىڭا مىڭ بارىپ،

    وتىرامىن ساعان ارناپ جىر جازىپ.

     

    شاعالاداي شار تاراپقا شارىق ۇردىم،

    تۇسىمدە دە سەنى جوقتاپ شاقىردىم.

    ەلەسىڭدى ەرتەلى- كەش سەرىك قىپ،

    قيال قۋىپ سارى تاڭدى اتىردىم.

     

    مارالىم- اي، مارالىم- اي، مارالىم.

    ەمى قاشان تابىلادى جارانىڭ.

    جۇرەگىمدى جۇرەگىڭە تابىستاپ،

    سۇلدەرىمدى سۇيرەپ ارەڭ بارامىن.

  • پارتاداعى جازۋ

     بەكجان اشىربايەۆ

    وزگەرىپ سالادى دا كەنەت راي،

    كۇز جەتەر...

    كورىنىستى ۇرلاپ جازدان.

    ءار ءسوزدى قايتا وقىعىم كەلەتىنى-اي،

    مەكتەپتىڭ پارتاسىنا

    قىرناپ جازعان.

     

    كوڭىلدى قىراۋ باسسا قىس توركىندەپ،

    ءۇمىتىڭ قونىس تەبەر

    جاڭا جۇرتقا.

    ەڭ سوڭعى قوڭىراۋدا تۇسكەن سۋرەت،

    جول باستار كارتاڭ ەكەن -

    تازالىققا!

     

    جاس تۇلەك،

    ارمان قۋعان ەكپىندىمىز،

    مەنى دە ءنان شاھارعا سۇيرەدى ولەڭ.

    بۇرىشتا جىلاپ تۇردى...

    سەكپىلدى قىز،

    تاپسىرما بولماسا دا ۇيگە بەرگەن.

     

    سابىتىن سالسا دا ءومىر،

    ازى - قايعى،

    ءالى دە تەرەم دەگەن...

    گۇلدەرىم كوپ.

    سيامدىق ەگىزدەر دە اجىرايدى،

    سيالاس دوستار قايتىپ بىرگە جۇرمەك؟..

     

    تولاتىن ەرتەگى ايتسا،

    دالا گۇلگە،

    جىلى ەدى اق اجەمنىڭ وڭى-رەڭى.

    اپارار قايتا مەنى...

    بالا كۇنگە،

    جەراستى جولى بارداي كورىنەدى.

     

    ادام سول -

    قيالىمەن ۇشىپ-قونار،

    كەتسە عوي...

    ۇسىنىسىم بەكىپ وسى:

    «مەتىركە» بەكەتىنەن ءتۇسىپ قالار،

    بىتسە ەكەن الماتىنىڭ مەتروسى!

     

  • جالعان ءمور نەمەسە باقىتسىز قىزدىڭ مونولوگى

    بەكجان اشىربايەۆ

    ساراڭداۋ كۇلكىمدى ۇرلاپ ارزان ۇعىم،

    ساعىنىش...

    جۇرەگىمە سالدى ءاجىمىن.

    اتاۋسىز قالىپ قويعان

    مەرەكەدەي،

    الدىڭدا بولدى نەگە از قادىرىم؟!

     

    كەۋدەڭە كوكتەم سىيلار

    بالدى ءان قونىپ،

    بەيتانىس بۇرىمدىڭا الدان جولىق.

    امال نە،

    ادىلەتتى سەزىمىمە،

    باسىلعان ءمورىڭ شىقتى جالعان بولىپ.

     

    جانىما جۇلدىز اققان ءتۇن ۇنايدى،

    المادى-اۋ...

    ۇمىتىمنىڭ ءبىرى بايگى.

    وتانسىز قالعانىڭداي كۇي كەشتىرەر،

    جوعالتقان سەزىمىڭدى -

    ۇلى قايعى!..

     

    قوزعالعان ىرعاعىنا باپپەن دەنە،

    الىستا...

    بيگە بارعان ساتتەر نەگە؟

    جوق بولساق جوق شىعارمىز

    ءبىز ەكەۋمىز،

    ومىردە ماحاببات بار قايتكەندە دە!

     

    وتسە دە تويسىز كۇندەر العا اسىعا،

    بەرىلمەس قىز جۇرەگى...

    جالعا، ءسىرا.

    قوش ەندى،

    كوڭىلىمنىڭ ەركە قۇسى،

    ارماننىڭ ءبارى ءتاتتى العاشىندا!..

  • 2013年01月13日

    جامال قارت - [پوەزيا]

    جامال قارت

     بەكجان اشىربايەۆ

     

    جاراسىپ باستا سالدە، قولدا قۇمان،

    وقيدى ءارۋاققا مولدا قۇران.

    ەي، ءومىر،

    ايحوي، داۋرەن،

    سەن نەلىكتەن،

    قايتالاپ ايتا بەرەر بولمادىڭ ءان؟!.

     

    ەي، اجال...

    بەتباقسىڭ-اۋ بەتى قالىڭ،

    الدىڭدا ءبىز پەندەنىڭ ەركى ءمالىم.

    جاڭالىق وقىعانداي وتەدى ءومىر،

    جۇگىرتپە جولدارى بوپ...

    ەكراننىڭ.

     

    كوڭىلدى كۇستەندىرەر

    انگە وراۋلى،

    ومىردە باعىنار كوپ زاڭ- جورالعى.

    كۇنەستە قاۋقىلداسىپ وتىراتىن،

    قايدا سول...

    قالىڭ بىتكەن شالدار اۋىلى.

     

    باقيدان حابار الىپ،

    دەرت ۇزارىپ،

    تاپپادىم توردەگى ۇيدەن...

    ەندى بارىپ.

    اتاشىم قازىنالى قىلدى مەنى،

    قارتتارعا سالەمشى عىپ ەرتىپ الىپ.

     

    كوكتەمگە قۇستار ايتار

    تارادى ۇران،

    قالمايدى قىس كەيىنگە قار ازىنان.

    جامال قارت اڭگىمەسىن باستاۋشى ەدى،

    الداعان بولمايدى دەپ -

    تارازىدان.

     

    تەك قانا وزدەرى ءۇشىن وتىعاتىن،

    تاعىلىق كورسە ءجۇزى...

    توتىعاتىن.

    گۇل تەرگەن ساتتەن ىزدەپ -

    سۇلۋلىقتى،

    ۇلكەننەن العىس ال دەپ وتىراتىن.

     

    سىپىرىپ...

    سوقتىققانىڭ باس تەرىسىن،

    تىم ايدىك مەڭگەردى ول اكەر ىسىن.

    ورالىپ قىرىق بىردىڭ قىرعىنىنان،

    ءومىردى ءسۇرۋشى ەدى...

    ساتتەر ءۇشىن.

     

    ارتىندا ۇزىلمەستەي ۇلگى قالىپ،

    قىلاتىن اي كوڭىلى -

    ءتۇندى جارىق.

    جۇرەتىن وزگەلەردىڭ

    باقىتىنا،

    سەبەپشى بولعانىنا شىن قۋانىپ.

     

    اتانىپ پازىل كىسى - كوركەم، ارلى،

    بولاتىن كۇش سىناسسا،

    ەركەك الدى.

    جۇگەرى پسكەن شاقتا تۋىلعان شال،

    جۇرەگى توقتادى دا -

    كەتە باردى...